Joan den larunbatean, Bizkaia frontoian ekitaldi berria bizi izan genuen: EUSKAL PILOTA EXPERIENCE.

Borgoña eskualdeko 49 gaztek parte hartu zuen Jai Alai esperientzian eta hasteko, euskal pilotaren ezaugarri garrantzitsuenak ezagutu zituzten eta horren gain, aukera izan zuten bizi diren lurraldean zer jokatzen den ikasteko.

Hau amaitzean, Ganboa eta Adrian Gasteizko pilotariak kantxan ikusi genituen eta erakustaldi-partidu zoragarria eskaini ziguten.

Ekitaldi bikainaren ondoren, gure lagun frantsesak kantxara jaitsi ziren eta bertan partekatzeko aukera izan zuten: lehenengo zesta-punta eta gero eskupilota.

Eta azkenik, euskal pilotaren unibertsoa ezagutzeko asmoz, trinketea ere ikusi zuten.

Bukatzeko argazki-talde polita egin genuen!